Kivu: «Hozircha eng yaxshi jismoniy holatda emasligimizni bilardim»
«Inter» bosh murabbiyi Kristian Kivu A Seriyaning 1-turida «Monza» ustidan qo‘lga kiritilgan 4:1 hisobdagi g‘alabadan so‘ng fikrlarini bildirdi.
«Hozircha eng yaxshi jismoniy holatda emasligimizni bilardik va bu borada doimiy ravishda ishlayapmiz. Raqib pressing va ikkinchi to‘plar uchun kurashda bizga muammo tug‘dirdi. Biz bunday vaziyatlarda sekin harakat qildik. O‘yin rejasiga amal qilishni istadik, ammo harakatlarimizda biroz taranglik va shoshqaloqlik kuzatildi.
Har bir futbolchi asosiy tarkib a’zosi hisoblanadi. Uning maydonga tushishi shaxsiy fazilatlari, raqib, vaziyat va jismoniy holatiga bog‘liq. Futbolchilarimning mavsumoldi tayyorgarlik jarayonida qanday ishlaganidan mamnunman. Klublar o‘rtasidagi jahon chempionatida qatnashib, ta’tildan belgilangan muddatdan oldin qaytgan o‘yinchilarning fidoyiligini ham alohida ta’kidlash kerak. Bu murabbiy ko‘rishi mumkin bo‘lgan eng qadrlik holatdir», — deya Kivuning so‘zlarini klub rasmiy sayti keltirdi.
