Киву: «Ҳозирча энг яхши жисмоний ҳолатда эмаслигимизни билардим»
«Интер» бош мураббийи Кристиан Киву А Сериянинг 1-турида «Монца» устидан қозонилган 4:1 ҳисобидаги ғалабадан сўнг фикрларини билдирди.
«Ҳозирча энг яхши жисмоний ҳолатда эмаслигимизни билардик ва бу борада доимий равишда ишлаяпмиз. Рақиб прессинг ва иккинчи тўплар учун курашда бизга муаммо туғдирди. Биз бундай вазиятларда секин ҳаракат қилдик. Ўйин режасига амал қилишни истадик, аммо ҳаракатларимизда бироз таранглик ва шошқалоқлик кузатилди.
Ҳар бир футболчи асосий таркиб аъзоси ҳисобланади. Унинг майдонга тушиши шахсий фазилатлари, рақиб, вазият ва жисмоний ҳолатига боғлиқ. Футболчиларимнинг мавсумолди тайёргарлик жараёнида қандай ишлаганидан мамнунман. Клублар ўртасидаги жаҳон чемпионатида қатнашиб, таътилдан белгиланган муддатдан олдин қайтган ўйинчиларнинг фидойилигини ҳам алоҳида таъкидлаш керак. Бу мураббий кўриши мумкин бўлган энг қадрли ҳолатдир», — дея Кивунинг сўзларини клуб расмий сайти келтирди.
