“Inter” so'nggi 13 yillikdagi eng yomon natijasini qayd etdi

Futbol 29 apr 2025 da 10:41

Nasrullo Karimov

Журналист

Italiya A Seriyasining 34-turida “Inter” o'z maydonida “Roma”ga imkoniyatni boy berib qo'ydi (0:1). Shu tariqa, “neradzurrilar” so'nggi uchta o'yinning barchasida mag'lubiyatga uchradi.

Avvalroq, Simone Inzagi shogirdlari Italiya Kubogida “Milan”ga (0:3), ichki chempionatda esa “Bolonya”ga mag'lub bo'lgandi (0:1).

Opta nashrining xabariga ko'ra, “Inter” 2012-yilning fevralidan beri birinchi marta ketma-ket uchta o'yinda mag'lub bo'ldi va raqiblar darvozasiga yo'l topa olmadi.

Ma'lumot uchun, Italiya A Seriyasining 34-turidan so'ng “Napoli” turnir jadvalida peshqadamlik qilmoqda. “Inter” esa 3 ochko kam to'plab, ikkinchi o'rinda bormoqda.

Aloqador jamoalar va ligalar

Inter

Italiya A seriyasi