“Интер” сўнгги 13 йилликдаги энг ёмон натижасини қайд этди
ФОТО: Getty Images
Италия А Сериясининг 34-турида “Интер” ўз майдонида “Рома”га имкониятни бой бериб қўйди (0:1). Шу тариқа, “нерадзурралар” сўнгги учта ўйиннинг барчасида мағлубиятга учради.
Аввалроқ, Симоне Инзаги шогирдлари Италия Кубогида “Милан”га (0:3), ички чемпионатда эса “Болоня”га мағлуб бўлганди (0:1).
Opta нашрининг хабарига кўра, “Интер” 2012-йилнинг февралидан бери биринчи марта кетма-кет учта ўйинда мағлуб бўлди ва рақиблар дарвозасига йўл топа олмади.
Маълумот учун, Италия А Сериясининг 34-туридан сўнг “Наполи” турнир жадвалида пешқадамлик қилмоқда. “Интер” эса 3 очко кам тўплаб, иккинчи ўринда бормоқда.
Насрулло Каримов
Журналист
