Flik: «O‘yinni nazorat qilishga erishdik»
“Barselona” bosh murabbiyi Hans-Diter Flik “Xetafe”ga qarshi bahsdan so‘ng o‘z fikrlarini bildirdi.
"Bugun birinchi golni qo‘ldan kelganicha ertaroq urish juda muhim edi. Bu bizga ishonch bag‘ishladi, chunki bir necha haftalik tanaffusdan so‘ng bu odatda oson kechmaydi. Ammo “Xetafe” juda yaxshi himoyalanadigan jamoa bo‘lishiga qaramay, ajoyib o‘yin o‘tkazdik. Ular ligada himoyalanish bo‘yicha eng yaxshilardan biri hisoblanadi. Biz ham yuqori darajada himoyalandik. O‘yinni nazorat qilishga erishdik.
Barcha futbolchilar o‘z darajasida bo‘lishi juda muhim. Ba’zi pozitsiyalarda bizda oliy darajadagi uchtadan futbolchi bor. Jamoada ajoyib muhit hukm surmoqda, har bir kishi jamoa uchun o‘ynamoqda. Oxir-oqibat, hamma gap jamoa va klubda", — deydi Flikning so‘zlarini Marca nashri.
