Fabregas Eldor Shomurodovning ustoziga aylanishi mumkin
Photo: Getty Images
Italiyaning “Komo” klubi bosh murabbiyi Sesk Fabregas “Roma”ni boshqarishi mumkin. Bu haqda “Sky Sport Italia” nashri xabar berdi.
Manbaga ko'ra, rimliklar murabbiylik lavozimi uchun bir necha nomzodlarni ko'rib chiqmoqda. Xususan, Sesk Fabregas ham “bo'rilar”ni boshqarishga asosiy nomzod sifatida qaralmoqda.
Bundan tashqari, “Roma" short-listidan Franchesko Farioli, “Jenoa” ustozisi Patrik Viera va hozirda “Al-Nasr”ni boshqarib kelayotgan Stefano Pioli ham o'rin olgan.
Qayd etish joiz, ayni damga kelib, rimliklarni boshqarib kelayotgan tajribali mutaxassis Klaudio Raneri mavsum oxirida lavozimini tark etadi va klub tizimida rahbarlik vazifasini bajaradi.
Roziqjon Sultonmurodov
Jurnalist
