De Rossi yana A Seriyaga qaytishi mumkin
Italiyalik mutaxassis hozirda ishsiz hisoblanadi.
FOTO: Getty Images
«Roma»ning sobiq bosh murabbiyi Daniele De Rossi faoliyatini «Jenoa»da davom ettirishi mumkin. Bu haqda Sky Sport Italia nashri xabar bermoqda.
Manbaga koʻra, genuyaliklar yaqinda fransiyalik mutaxassis Patrik Vieyrani isteʼfoga chiqargach, yangi bosh murabbiy izlashni boshlab yuborgan.
Qayd etilishicha, De Rossi bilan olib borilayotgan muzokaralar ijobiy kechmoqda va u bilan joriy mavsum oxirigacha moʻljallangan shartnoma imzolanishi kutilmoqda.
Maʼlumot uchun, Vieyra 2024 yilning noyabr oyidan buyon «Jenoa»ni boshqarib kelayotgandi. Klub joriy mavsum A Seriyada 3 ochko bilan soʻnggi, 20-o‘rinni egallab turibdi.
Nasrullo Karimov
Jurnalist