“An-Nassr” Ronaldu bilan xayrlashishga tayyorlanmoqda
FOTO: Getty Images
Saudiya Arabistonining “An-Nassr” klubi portugaliyalik hujumchi Krishtianu Ronaldu bilan xayrlashishga yaqin turibdi. Bu haqda Marca nashri xabar bermoqda.
Manbaga ko'ra, bugun, 29-may kuni matbuot anjumani o'tkaziladi. Unda klubdagi barcha o'zgarishlar, jumladan, tarkib bo'yicha ham ma'lumotlar e'lon qilinadi.
Ma'lumot uchun, “An-Nassr” o'tgan mavsum Saudiya Pro-ligasida 70 ochko jamg'arib, turnir jadvalida uchinchi o'rinni egalladi. Krishtianu Ronaldu esa 25 ta gol urib, musobaqa to'purari bo'ldi.
Nasrullo Karimov
Jurnalist