“Ан-Наср” Роналду билан хайрлашишга тайёрланмоқда
ФОТО: Getty Images
Саудия Арабистонининг “Ан-Наср” клуби португалиялик ҳужумчи Криштиану Роналду билан хайрлашиш арафасида турибди. Бу ҳақда Marca нашри хабар бермоқда.
Манбага кўра, бугун, 29-май куни матбуот анжумани ўтказилади. Унда клубдаги барча ўзгаришлар, жумладан, таркиб бўйича ҳам маълумотлар эълон қилинади.
Маълумот учун, “Ан-Наср” ўтган мавсум Саудия Про-лигасида 70 очко жамғариб, турнир жадвалида учинчи ўринни эгаллади. Криштиану Роналду эса 25 та гол уриб, мусобақа тўпурари бўлди.
Насрулло Каримов
Журналист