“An-Nassr” bosh murabbiyligiga asosiy nomzod ma'lum bo'ldi

Saudiyaning “An-Nassr” klubi Stefano Pioli iste'foga chiqqanidan so'ng faol ravishda yangi murabbiy qidirmoqda. Asosiy nomzod Jorje Jezus ekanligi aytilmoqda. Bu haqda Footmercato nashri xabar bermoqda.

Manbaga ko'ra, Saudiya klubi allaqachon 70 yoshli mutaxassis bilan muzokaralarni boshlab yuborgan.

Eslatib o'tamiz, Jezus joriy yilning may oyida “Al-Hilol” murabbiyligidan iste'foga chiqqandi. Portugaliyalik mutaxassis “Al-Hilol” boshqaruvida jami 130 ta o'yin o'tkazib, 101 ta g'alaba, 18 ta durang va 11 ta mag'lubiyat qayd etgan.

Nasrullo Karimov

Jurnalist