\"Andijon\" ukrainalik darvozabonni o‘z safiga qo‘shib oldi
Photo: Andijan PFK
Yozgi seleksiya ishlarini davom ettirayotgan “Andijon” tarkibini kuchaytirishda izchil harakat qilmoqda.
Klub matbuot xizmatining xabariga ko‘ra, bu yil 25 yoshga to‘ladigan ukrainalik darvozabon Artyom Odintsov "Andijon" futbolchisiga aylandi.
Ma’lumot uchun, Artyom Odintsov 2000-yil 9-noyabrda Ukrainada tug‘ilgan.
Darvozabon shu kungacha Ukrainadagi “Munkach”, Vengriyaning “Kishvarda” va “Dyoshdyor” klublari sharafini himoya qilgan. 2018-yildan buyon aynan Vengriya chempionatida faoliyat olib borgan.
Odintsov bilan shartnoma 1,5 yilga tuzildi va uning jamoamizdagi faoliyati omadli kechishini tilab qolamiz, – deyiladi rasmiy xabarda.
Roziqjon Sultonmurodov
Jurnalist
