Ana holos! “Udineze” darvozaboni to'rt yilga futboldan chetlatilishi mumkin
“Udineze” klubi darvozaboni Maduke Okoye kelishilgan o'yinlarda ishtirok etganlikda gumonlanib, Italiyada 4 yilga futboldan chetlatilishi mumkin. Bu haqda Corriere dello Sport xabar bermoqda.
Manbaga ko'ra, voqea 2024-yilning mart oyida “Latsio” bilan o'yinda sodir bo'lgan. Uchrashuvning 64-daqiqasida Okoye vaqti cho'zganligi sabab sariq kartochka olgan. Ma'lum bo'lishicha, aynan shu voqeada g'ayritabiiy darajada ko'p garovlar qayd etilgan.
Tergovlar shuni ko'rsatmoqdaki, Nigeriya terma jamoasi darvozaboni o'zining yaqin do'sti bilan til biriktirgan bo'lishi mumkin. Qayd etilishicha, ushbu voqea uchun tikilgan garovlardan 120 ming yevrodan ortiq yutuq Udine provinsiyasida joylashgan bukmekerlar orqali to'lab berilgan.
Ish materiallari allaqachon Italiya futbol federatsiyasi prokuraturasiga topshirilgan. Agar futbolchi ushbu ishda aybdor deb topilsa, 4 yilgacha futboldan chetlatilishi mumkin.
