“Al-Hilol” Teo Ernandesga rad etib bo'lmas taklif yubordi

Saudiyaning “Al-Hilol” klubi “Milan”ning chap qanot himoyachisi Teo Ernandesning transferi borasida muzokaralar olib bormoqda. Bu haqda jurnalist Pablo Oliveyra xabar bermoqda.

Manbaga ko'ra, “Al-Hilol” milanliklarga 27 yoshli futbolchining ehtimoliy transferi uchun 20 million yevro taklif qilmoqda.

Shu bilan birga, saudiyaliklar himoyachining o'zi uchun yiliga 18 million yevro maosh to'lashga tayyor. Ernandesning “Milan”dagi hozirgi maoshi 4 million yevroni tashkil qiladi.

Ma'lumot uchun, Ernandes o'tgan mavsum barcha turnirlarda 49 ta o'yinda maydonga tushib, 5 ta gol urdi va 6 ta golli uzatmani amalga oshirdi. Uning Transfermarkt'dagi narxi 40 million yevroga baholanmoqda.

Nasrullo Karimov

Jurnalist