«Ал-Ҳилол» Тео Эрнандесга рад этиб бўлмас таклиф юборди
ФОТО: Getty Images
Саудиянинг «Ал-Ҳилол» клуби «Милан»нинг чап қанот ҳимоячиси Тео Эрнандеснинг трансфери бўйича музокаралар олиб бормоқда. Бу ҳақда журналист Пабло Оливейра хабар бермоқда.
Манбага кўра, «Ал-Ҳилол» миланликларга 27 ёшли футболчининг эҳтимолий трансфери учун 20 миллион евро таклиф қилмоқда.
Шу билан бирга, саудияликлар ҳимоячининг ўзи учун йилига 18 миллион евро маош тўлашга тайёр. Эрнандеснинг «Милан»даги ҳозирги маоши 4 миллион евродан иборат.
Маълумот учун, Эрнандес ўтган мавсум барча турнирларда 49 та ўйинда майдонга тушиб, 5 та гол урди ва 6 та голли узатмани амалга оширди. Унинг Transfermarkt’даги нархи 40 миллион евродеб баҳоланмоқда.
Насрулло Каримов
Журналист
