\"Al Nasr\" Jon Duranni maydon tashqarisidagi muammolar tufayli ijaraga berishi mumkin
Saudiya Arabistonining "Al-Nasr" klubi hujumchisi Jon Duran jamoani vaqtincha tark etishi mumkin.
Arab nashrlariga ko‘ra, klub rahbariyati 21 yoshli kolumbiyalik futbolchining psixoemotsional holati va texnik tayyorgarligi yomonlashgani bilan bog‘liq shaxsiy sabablarga ko‘ra uni ijaraga berishni ko‘rib chiqmoqda.
Shuningdek, Duran shaxsiy muammolari uning maydondagi barqarorligiga taʼsir qilayotganidan xavotirda. Shu bilan birga, futbolchining "Al-Nasr"dagi yillik maoshi 22 million dollar atrofida.
Duran Saudiya Arabistoni klubiga 2024 yil yanvar oyida "Aston Villa"dan 77 million yevro evaziga o‘tgan edi. Joriy mavsum u Saudiya Arabistoni chempionatida 13 o‘yin o‘tkazib, 8 ta gol urishga muvaffaq bo‘ldi. Shunga qaramay, hozircha uning ingliz klubiga qaytishi borasida muzokaralar olib borilmayapti.
