\"Ал Наср” Жон Дуранни майдон ташқарисидаги муаммолар туфайли ижарага бериши мумкин
Саудия Арабистонининг “Ал-Наср” клуби ҳужумчиси Жон Дюран жамоани вақтинча тарк этиши мумкин.
Араб нашрлари ёзишича, клуб раҳбарияти 21 ёшли колумбиялик футболчининг психоэмоционал ҳолати ва техник тайёргарлиги ёмонлашгани билан боғлиқ шахсий сабабларга кўра ижарага бериш имкониятини кўриб чиқмоқда.
Шунингдек, Дуран шахсий муаммолар унинг майдондаги барқарорлигига таъсир қилганидан хавотирда. Шу билан бирга, футболчининг “Ал-Наср”даги маоши йилига 22 миллион доллар атрофида.
Дуран Саудия Арабистони клубига 2024 йилнинг январида "Астон Вилла"дан 77 миллион евро эвазига ўтган эди. Жорий мавсум у Саудия Арабистони чемпионатида 13 ўйин ўтказиб, 8 та гол уришга муваффақ бўлди. Шунга қарамай, ҳозирча унинг инглиз клубига қайтиши борасида музокаралар олиб борилмаяпти.
