Abbosbek Otaxonov «Xorazm»da qoladi
Superliga-2025da Otaxonov “Xorazm” safida 10 ta o‘yinda 900 daqiqa maydonda harakat qildi.
Фото: Хоразм ПФК
“Xorazm” klubi yangi mavsum oldidan tarkibni kuchaytirishdan oldin yetakchilarni ham saqlab qolmoqda.
Sports24.uz xabariga ko‘ra, o‘tgan mavsumning ikkinchi bosqichida jamoaga kelib qo‘shilgan himoyachi Abbosbek Otaxonov jamoada qoladi. Klub 30 yoshli futbolchi bilan shartnomani uzaytirdi.
Tajribali o‘yinchi “Muangthong United”dan “Xorazm”ga kelib qo‘shilgan va jamoaning ligadagi o‘rnini saqlab qolishida muhim rol o‘ynagan edi.
Superliga-2025da Otaxonov “Xorazm” safida 10 ta o‘yinda 900 daqiqa maydonda harakat qildi. 2 ta sariq kartochka oldi va 2 marta maydondan chetlatildi.
Roziqjon Sultonmurodov
Jurnalist
