A Seriya. «Inter» o‘z maydonida «Verona» bilan durang o‘ynadi
Italiya A Seriyasining 2025/2026 yilgi mavsumi 37-turidan o‘rin olgan Milanning “Inter” va “Verona” jamoalari o‘rtasidagi uchrashuv nihoyasiga yetdi.
Uchrashuv 1:1 hisobidagi durang natija bilan yakunlandi. Dastlabki golni Andrias Edmundsson kiritdi — mehmonlar himoyachisi ikkinchi bo‘lim boshida, 47-daqiqada o‘z darvozasini ishg‘ol qilib qo‘ydi. O‘yinning so‘nggi daqiqalarida, 90+1-daqiqada esa “Verona” hujumchisi Kiron Boui hisobni tenglashtirishga muvaffaq bo‘ldi.
“Verona” 37 ta o‘yindan so‘ng Seriya A turnir jadvalida pastdan ikkinchi — 19-o‘rinni egallab turibdi. Jamoa hisobida 21 ochko mavjud. Muddatidan oldin chempionlikni rasmiylashtirgan “Inter” esa 86 ochko bilan birinchi pog‘onada bormoqda.
Italiya — A Seriya. 37-tur
“Inter” — “Verona” — 1:1
Gollar: 1:0 – 47' Edmundsson (avtogol), 1:1 – 90+1' Boui
