А Серия. «Интер» ўз уйида «Верона» билан дуранг ўйнади
Италия А Сериясининг 2025/2026 йилги мавсуми 37-туридан ўрин олган Миланнинг «Интер» ва «Верона» жамоалари ўртасидаги учрашув якунланди.
Учрашув 1:1 ҳисобидаги дуранг билан якунланди. Дастлабки гол Андриас Эдмундссон томонидан урилди — меҳмонлар ҳимоячиси иккинчи бўлим бошида, 47-дақиқада ўз дарвозасини ишғол қилиб қўйди. Учрашув сўнгида, 90+1-дақиқада эса «Верона» ҳужумчиси Кирон Боуи ҳисобни тенглаштиришга муваффақ бўлди.
«Верона» 37 та ўйиндан сўнг Серия А турнир жадвалида пастдан иккинчи — 19-ўринни эгаллаб турибди. Жамоа ҳисобида 21 очко мавжуд. Муддатидан олдин чемпионликни нақд қилган «Интер» эса 86 очко билан биринчи ўриндан жой олган.
Италия — А Серия. 37-тур
«Интер» — «Верона» — 1:1
Голлар: 1:0 – 47' Эдмундссон (автогол), 1:1 – 90+1' Боуи
