A Seriya. \"Como\" ketma-ket oltinchi o‘yinda g‘alaba qozondi
Sesk Fabregas boshchiligidagi Italiya "Como" futbol klubi ketma-ket oltita A Seriya o‘yinida g‘alaba qozondi.
A Seriyaning 36-tur uchrashuvida "Como" klubi "Kalyari"ni qabul qilib, 3:1 hisobida zafar quchdi. Bahs davomida Fabregas shogirdlari 0:1 hisobida ortda borayotgan edi. Biroq birinchi bo‘limning so‘nggi daqiqalarida ular nafaqat javob golini, balki ikkinchi golni ham urishga muvaffaq bo‘lishdi. Ikkinchi bo‘limda esa uchinchi golni kiritib, uchrashuvda ishonchli g‘alabani qo‘lga kiritishdi.
Bu g‘alaba Fabregas jamoasi uchun ketma-ket oltinchi muvaffaqiyat bo‘ldi. Como 36 o‘yin natijasida 48 ochko jamg‘argan va turnir jadvalida 10-o‘rinda bormoqda. A Seriyada jon saqlab qolish uchun kurashayotgan "Kalyari" hisobida 33 ochko bor va quyi ligaga tushib ketish zonasidan 7 ochkoga oldinda.
A Seriya. 36-tur
"Como" - "Kalyari" - 3:1 (2:1)
Gollar: Kakre, 40, Strefettsa, 45+2, Kutrone, 78 — Adopo, 22
