«Бугун ҳам жамоам билан фахрланаман» — Фабио Каннаваро
Ўзбекистон миллий терма жамоаси бош мураббийи Фабио Каннаваро Португалияга қарши учрашувдан сўнг матбуот анжуманида жамоанинг ўйини ва Жаҳон чемпионатидаги иштироки ҳақида фикр билдирди.
«Албатта, Жаҳон чемпионатидаги илк иштирок осон кечмаслиги табиий. Қуръа натижалари чиққанидан сўнг Колумбия ва Португалияни кўриб, бизни жуда қийин гуруҳ кутаётганини билгандик.
Колумбияга қарши ўйиндан кейин ҳам жамоамдан фахрланишимни айтгандим, бугун ҳам жамоам билан фахрланаман. Ҳа, улар қийинчиликларга дуч келишди, аммо бир сония ҳам таслим бўлишмади.
Барча чизиқларда юқори савиядаги футболчиларга эга жамоага қарши ўйнаш доим қийин. Шубҳасиз, улар майдонга жуда катта мотивация билан тушишган эди. Бироқ бу Жаҳон чемпионати биз учун тажриба вазифасини ўтамоқда», — деди Ўзбекистон терма жамоаси бош мураббийи.
