Жуд Беллингем операция қилинади
Мадриднинг “Реал” клуби ярим ҳимоячиси Жуд Беллингем клублар ўртасидаги Жаҳон чемпионатидан сўнг елкасини операция қилади. Англиялик футболчи 2023 йилнинг ноябр ойидан бери таянч бандаж билан ўйнаб келмоқда.
The Athletic хабарига кўра, операция 15-июндан 13-июлгача АҚШда бўлиб ўтадиган турнирдан сўнг ўтказилиши режалаштирилган. “Реал” гуруҳ босқичида “Ал-Ҳилол”, “Пачука” ва “РБ Зальцбург” билан куч синашади.
Манбага кўра, операциядан сўнг тикланиш муддати 12 ҳафта давом этади. Шунинг учун, Беллингем Ла Лиганинг янги мавсуми стартни ўтказиб юборади.
Маълумот учун, Беллингем жорий мавсум барча турнирларда 50 та ўйинда майдонга тушиб, 13 та гол урди ва 14 та голли узатмани амалга оширди. Унинг “Реал” билан тузган амалдаги шартномаси 2029 йилнинг ёзига қадар амал қилади.
