Жозе Моуринью «Реал»га тайинланишидан олдин клуб олдига иккита шарт қўйди
Португалиялик мутахассис ҳозирда «Бенфика»ни бошқариб келмоқда.
ФОТО: Getty Images
«Бенфика»ни бошқараётган португалиялик мутахассис Жозе Моуринью ўз агенти Жорже Мендеш орқали Мадриднинг «Реал» клубига бўлажак тайинлов олдидан ўз талабларини маълум қилди. Бу ҳақда The Athletic нашри хабар бермоқда.
Манбанинг ёзишича, Моуринью «Қироллик клуби»га ўз мураббийлар штабидаги бир нечта аъзоларни таклиф қилишни талаб қилмоқда. Шунингдек, португалиялик мутахассис жамоа ҳимоя чизиғини кучайтириш зарурлигини кўрсатиб ўтган.
Қайд этилишича, «Бенфика» Моуринью билан 2027 йилнинг ёзигача мўлжалланган шартномани узайтиришдан манфаатдор бўлиб турибди.
Маълумот учун, 63 ёшли мураббий 2010 йилдан 2013 йилгача ҳам «Реал»ни бошқарган эди.
Насрулло Каримов
Журналист
