Жозе Моуринью президент сайловларидан сўнг «Реал Мадрид»га қайтиши мумкин
«Бенфика» бош мураббийи Жозе Моуринью «қаймоқранглилар»нинг амалдаги раҳбари Флорентино Перес томонидан эълон қилинган президент сайловларидан сўнг яна Мадриднинг «Реал» клубига қайтиши мумкин. Бу ҳақда инсайдер Фабрицио Романо хабар бермоқда.
Журналистнинг маълумотига кўра, Испания клуби ва португалиялик мутахассис ўртасидаги музокаралар якуний босқичга ўтган. Шу билан бирга, мутахассиснинг тайинланиши учун Флорентино Переснинг розилиги талаб этилади ва бу қарор катта эҳтимол билан сайловлардан сўнг эълон қилиниши кутилмоқда.
Эслатиб ўтамиз, Жозе Моуринью 2010 йилдан 2013 йилга қадар «Реал»ни бошқарган. Мутахассис мадридликлар билан Испания чемпионлиги, мамлакат Кубоги ва Суперкубогида зафар қучган. Ҳозирда жамоани Альваро Арбелоа бошқариб бормоқда.
