ЖЧ-2026. Ўзбекистон ўз майдонида Қатарни янчиб ташлади
Ҳозиргина ЖЧ-2026 3-саралаш босқичининг сўнгги туридан ўрин олган баҳсда Ўзбекистон миллий терма жамоаси ўз майдонида Қатарга қарши баҳс олиб борди ва якунда йирик 3:0 ҳисобида ғалаба қозонди.
Дастлаб, ҳисоб 28-дақиқада Азизбек Тургʻунбоев томонидан очилди. Футболчимиз ўнг қанотдан жарима майдонига ёриб кириб, яқин бурчакни аниқ нишонга олди.
86-дақиқада эса Элдор Шомуродов термамизнинг иккинчи голига муаллифлик қилди. Жамшид Искандеров томонидан узатилган тўпни маҳорат билан ўзига бўйсиндириб, рақиб дарвозасига жойлаб қўйди.
Шунингдек, 90+2-дақиқада айнан Шомуродовнинг ўрнига майдонга туширилган Игор Сергеев тўпга биринчи тегинишидаёқ ўз номини таблога ёздириб қўйди.
Шу тариқа, Ўзбекистон ушбу ғалабадан сўнг ўз очколари ҳисобини 21 тага етказиб олди.
ЖЧ-2026 саралаши, 3-босқич | “A” гуруҳи
Ўзбекистон 3:0 Қатар
Голлар: Азизбек Тургʻунбоев 28', Элдор Шомуродов 86', Игор Сергеев 90+2'.
