Ўзбекистон Кубоги. “Қўқон-1912” “Андижон ФА” дарвозасига жавобсиз еттита тўп киритди
Ўзбекистон Кубоги 2-туридан ўрин олган баҳсда “Қўқон-1912” сафарда “Андижон ФА” меҳмони бўлди ва 7:0 ҳисобида ғалаба қозонди.
Голларнинг барчаси иккинчи бўлимда киритилди. Дастлаб Шаҳзод Бешимов 48-дақиқада ҳисобни очган бўлса, 59-дақиқада дублини расмийлаштирди (0:2).
Жавоҳир Ҳусанов эса 72 ва 73-дақиқада голлар киритиб, ҳисобни йирик кўринишга олиб келди (0:4).
Орадан уч дақиқа ўтиб Бекжон Жўрабоев жамоасининг бешинчи голига муаллифлик қилган бўлса, Егор Кондрятиук 80-дақиқада ҳисобни 6:0 кўринишига келтирди.
Иккинчи бўлимга қўшиб берилган дақиқаларда Шаҳзод Бешимов хет-трик муаллифига айланди (0:7).
Шу тариқа, “Қўқон-1912” ушбу ғалабадан сўнг ўз очколари ҳисобини 4 тага етказиб, “Ф” гуруҳида иккинчи ўринга кўтарилиб олди.
Ўзбекистон Кубоги | 2-тур
“Андижон ФА” 0:7 “Қўқон-1912”
Голлар: Шаҳзод Бешимов, 48 (0:1), Шаҳзод Бешимов, 59 (0:2), Жавоҳир Ҳусанов, 72 (0:3), Жавоҳир Ҳусанов, 73 (0:4), Бекжон Жўрабоев, 76 (0:5), Егор Кондрятиук, 80 (0:6), Шаҳзод Бешимов, 90+2 (0:7).
