O'zbekiston Kubogi. “Qo'qon-1912” “Andijon FA” darvozasiga javobsiz yettita to'p kiritdi
O'zbekiston Kubogi 2-turidan o'rin olgan bahsda “Qo'qon-1912” safarda “Andijon FA” mehmoni bo'ldi va 7:0 hisobida g'alaba qozondi.
Gollarning barchasi ikkinchi bo'limda kiritildi. Dastlab Shahzod Beshimov 48-daqiqada hisobni ochgan bo'lsa, 59-daqiqada dublni rasmiylashtirdi (0:2).
Javohir Husanov esa 72 va 73-daqiqada gollar kiritib, hisobni yirik ko'rinishga olib keldi (0:4).
Oradan uch daqiqa o'tib Bekjon Jo'raboyev jamoasining beshinchi goliga mualliflik qilgan bo'lsa, Yegor Kondryatiuk 80-daqiqada hisobni 6:0 ko'rinishiga keltirdi.
Ikkinchi bo'limga qo'shib berilgan daqiqalarda Shahzod Beshimov xet-trik muallifiga aylandi (0:7).
Shu tariqa, “Qo'qon-1912” ushbu g'alabadan so'ng o'z ochkolari hisobini 4 taga yetkazib, “F” guruhida ikkinchi o'ringa ko'tarilib oldi.
O'zbekiston Kubogi | 2-tur
“Andijon FA” 0:7 “Qo'qon-1912”
Gollar: Shahzod Beshimov, 48 (0:1), Shahzod Beshimov, 59 (0:2), Javohir Husanov, 72 (0:3), Javohir Husanov, 73 (0:4), Bekjon Jo‘raboyev, 76 (0:5), Yegor Kondryatiuk, 80 (0:6), Shahzod Beshimov, 90+2 (0:7).
