Ўзбекистон Кубоги. “Хоразм” “Жайхун”ни мағлуб этиб, гуруҳ пешқадамига айланди
Ўзбекистон Кубоги 2-турида ўрин олган “Хоразм” - “Жайхун” учрашуви ўз якуннига етди ва унда мезбонлар 3:1 ҳисобида ғалаба қозонди.
Дастлаб, ҳисоб 44-дақиқада Данила Ежов томонидан очилди (1:0). 56-дақиқада “Жайхун” дарвозаси томон пенальти белгиланди. Бироқ Ҳазратжон Турсунқулов нуқтада адашди.
57-дақиқада эса Суннатилло Абдуллажонов жамоасининг иккинчи голига муаллифлик қилди (2:0). Иккинчи бўлимга қўшиб берилган дақиқаларда Шухрат Дарёбаев “Жайхун”нинг ягона жавоб тўпини киритди. (2:1).
Бироқ орадан ҳеч қанча вақт ўтмасдан Муродбек Бобожонов ҳисобдаги фарқни яна иккитага етказиб қўйди (3:1).
Шу тариқа, “Хоразм” ушбу ғалабадан сўнг ўз очколари ҳисобини 6 тага етказиб олиб, “I” гуруҳида пешқадамликни ўз қўлига олди.
Ўзбекистон Кубоги | 2-тур
“Хоразм” 3:1 “Жайхун”
Голлар: Данила Ежов 44' (1:0), Суннатилло Абдуллажонов 57' (2:0), Шухрат Дарёбаев 90+1' (2:1), Муродбек Бобожонов 90+2' (3:1).
Фойдаланилмаган пенальти: Ҳазратжон Турсунқулов 56'.
