O'zbekiston Kubogi. “Xorazm” “Jayxun”ni mag'lub etib, guruh peshqadamiga aylandi
O'zbekiston Kubogi 2-turida o'rin olgan “Xorazm” - “Jayxun” uchrashuvi o'z yakuniga yetdi va unda mezbonlar 3:1 hisobida g'alaba qozondi.
Dastlab, hisob 44-daqiqada Danila Yejov tomonidan ochildi (1:0). 56-daqiqada “Jayxun” darvozasi tomon penalti belgilandi. Biroq Hazratjon Tursunqulov nuqtada adashdi.
57-daqiqada esa Sunnatillo Abdullajonov jamoasining ikkinchi goliga mualliflik qildi (2:0). Ikkinchi bo'limga qo'shib berilgan daqiqalarda Shuhrat Daryabayev “Jayxun”ning yagona javob to'pini kiritdi. (2:1).
Biroq oradan hech qancha vaqt o'tmasdan Murodbek Bobojonov hisobdagi farqni yana ikkitaga yetkazib qo'ydi (3:1).
Shu tariqa, “Xorazm” ushbu g'alabadan so'ng o'z ochkolari hisobini 6 taga yetkazib olib, “I” guruhida peshqadamlikni o'z qo'liga oldi.
O'zbekiston Kubogi | 2-tur
“Xorazm” 3:1 “Jayxun”
Gollar: Danila Yejov 44' (1:0), Sunnatillo Abdullajonov 57' (2:0), Shuhrat Daryabayev 90+1' (2:1), Murodbek Bobojonov 90+2' (3:1).
Foydalanilmagan penalti: Hazratjon Tursunqulov 56'.