Ўзбекистон Кубоги. “Хоразм” юз фоизлик натижа билан кейинги босқичга йўл олди

Ўзбекистон Кубоги гуруҳ босқичининг 3-туридан ўрин олган “Хоразм” ва “Сирдарё ФА” ўртасидаги баҳс бўлиб ўтди ва унда мезбонлар йирик 4:0 ҳисобида ғалаба қозонди.

Дастлаб, ҳисоб 13-дақиқада Муродбек Бобожонов томонидан очилди (1:0). 54-дақиқада Данила Ежов фарқни иккитага етказди (2:0).

61-дақиқада Азизжон Аҳроров ўз номини таблога ёздириб қўйган бўлса (3:0), 66-дақиқада Данила Ежов дублни расмийлаштирди (4:0).

Шу тариқа, “Хоразм” ушбу ғалабадан сўнг ўз очколари ҳисобини 9 тага етказиб олиб, кейинги босқичга йўл олди.

Ўзбекистон Кубоги | “I” гуруҳи, 3-тур

“Хоразм” 4:0 “Сирдарё ФА”

Голлар: Муродбек Бобожонов 13' (1:0), Данила Ежов 54' (2:0), Азизжон Аҳроров 61' (3:0), Данила Ежов 66' (4:0).

Насрулло Каримов

Журналист