Юрген Клопп “Реал Мадрид”ни бошқаришни рад этганидан афсусда - Marca
ФОТО: Getty Images
“Ливерпул”нинг собиқ бош мураббийи Юрген Клопп бир неча ҳафта олдин “Реал Мадрид” жамоасини бошқариш таклифига рад жавобини берган эди. Бу ҳақда Marca нашри хабар бермоқда.
Манбага кўра, германиялик мутахассис ҳозирда ушбу қарори учун афсусда эканлиги айтилмоқда.
Таъкидланишича, Клопп энди “Реал”ни бошқара олмайди, чунки испан гранди Леверкузеннинг “Байер” клуби бош мураббийи Хаби Алонсо билан келишувга эришган.
Эслатиб ўтамиз, аввалроқ ОАВда “қаймоқранглилар”нинг амалдаги бош мураббийи Карло Анчелотти май ойининг сўнгги кунларида клубни тарк этишини эълон қилиши мумкинлиги ҳақида хабарлар тарқалган эди.
Насрулло Каримов
Журналист
