Ямал «Жирона»га қарши ўйинни ўтказиб юборади
Ямал катта эҳтимол “Реал”га қарши кечадиган 26 октябрдаги ўйинга қадар тикланиши кутилмоқда.
ФОТО: Getty images
Испания миллий жамоаси ва “Барселона” ҳужумчиси Ламин Ямал Ла Лиганинг навбатдаги туридан ўрин олган “Жирона”га қарши баҳсни ўтказиб юборади. Бу ҳақда Mundo Deportivo нашри хабар бермоқда.
Манбага кўра, 18 ёшли футболчи дастлаб Испания миллий жамоасига чақирилганди, бироқ жароҳати такрорлангани боис мураббийлар уни клубга қайишига рухсат беришганди. Ямал аллақачон “Барселона”га қайтиб, интенсив тикланиш дастурини бошлаб юборган.
Ямал катта эҳтимол “Реал”га қарши кечадиган 26 октябрдаги ўйинга қадар тикланиши кутилмоқда.
Ламин жорий мавсум барча турнирларда 5 та ўйинда майдонга тушиб, 2 та гол урди ва 3 та голли узатмани амалга оширди.
Розикжон Султонмуродов
Журналист
