Ямал ва Гави “Барселона” раҳбариятидан Нико Уилямсни сотиб олишни талаб қилмоқда

Футбол 30 мар 2025 да 00:36

Насрулло Каримов

Jurnalist

Каталониянинг “Барселона” клуби футболчилари Ламин Ямал ва Гави раҳбариятдан Нико Уильямсни сотиб олишни талаб қилмоқда. Бу ҳақда El Nacional хабар берди.

Манбага кўра, иккалар футболчи ҳам клуб президенти Хуан Лапортани келишувга эришиш учун қўлдан келган барча ишни қилишга ундамоқда.

Қайд этилишича, каталонияликлар бош мураббийи Ҳанс-Дитер Флик ҳам 22 ёшли “Атлетик” вингери билан шартнома имзоланиши борасида ижобий фикрда.

Ҳозирда “Барселона” учун асосий муаммо Уильямснинг товон пули бўлиб турибди - 58 миллион евро.

Маълумот учун, Уильямс жорий мавсум барча турнирларда 37 та ўйинда майдонга тушиб, 9 та гол урди ва 7 та голли узатмани амалга оширди. Унинг Трансфермаркт'даги нархи 70 миллион еврога баҳоланмоқда.

Алоқадор жамоалар ва лигалар

Barcelona

Athletic Club

Испания Ла Лигаси