Yamal va Gavi “Barselona” rahbariyatidan Niko Uilyamsni sotib olishni talab qilmoqda

Kataloniyaning “Barselona” klubi futbolchilari Lamin Yamal va Gavi rahbariyatdan Niko Uilyamsni sotib olishni talab qilmoqda. Bu haqda El Nacional xabar berdi.

Manbaga ko'ra, ikkalar futbolchi ham klub prezidenti Xuan Laportani kelishuvga erishish uchun qo'ldan kelgan barcha ishni qilishga undamoqda.

Qayd etilishicha, kataloniyaliklar bosh murabbiyi Hans-Diter Flik ham 22 yoshli “Atletik” vingeri bilan shartnoma imzolanishi borasida ijobiy fikrda.

Hozirda “Barselona” uchun asosiy muammo Uilyamsning tovon puli bo'lib turibdi - 58 million yevro.

Ma'lumot uchun, Uilyams joriy mavsum barcha turnirlarda 37 ta o'yinda maydonga tushib, 9 ta gol urdi va 7 ta golli uzatmani amalga oshirdi. Uning Transfermarkt'dagi narxi 70 million yevroga baholanmoqda.

Nasrullo Karimov

Jurnalist