Ямал — Ла Лиганинг ноябрь ойидаги энг яхши ўйинчиси

“Барселона” вингери Ламин Ямал Ла Лигада ноябрь ойининг энг яхши футболчиси деб топилди.

18 ёшли ўйинчи ўтган ойда каталонияликлар сафида Испания юқори дивизионида 4 та баҳсда майдонга тушиб, 3 тадан гол ва ассистни ўз ҳисобига ёздириб қўйди.

Шу тариқа, Ямал овозлар сонига кўра Килиан Мбаппе (“Реал”), Антуан Гризманн (“Атлетико”), Микель Ойарсабал (“Реал Сосьедад”) ва Жерар Моренони (“Виляьрреал”) ортда қолдирди.

Эслатиб ўтамиз, “Барселона” Ла Лига турнир жадвалида етакчилик қилмоқда. “Реал” эса иккинчи ўринда бормоқда.

Розикжон Султонмуродов

Журналист