Ван Дейк: «Қизил карточка ўйиннинг боришига жиддий таъсир кўрсатди»
Нидерландиялик футболчи жамоасининг мағлубияти ҳақида гапирди.
Фото: Getty Images
Англия Премер-лигаси
11.10.2026, Як.
Ливерпул
0
Манчестер Сити
3
«Ливерпул» ҳимоячиси Виржил ван Дейк АПЛ 6-туридан ўрин олган «Манчестер Сити» (0:3) билан ўйиндан сўнг ўз фикрларини билдирди.
«Менимча, биринчи бўлим биз учун яхши ўтди, юқори суръат ва шиддат билан ўйнадик. Қарши ҳужумларга ўтган айрим вазиятларимизда янада яхшироқ ҳаракат қилишимиз мумкин эди. Ростини айтсам, жуда хавфли вазиятлар яратдик, деб ўйламайман, аммо, назаримда, ғалаба қозонишни исташимизни кўрсата олдик.
Иккинчи бўлимда ҳам худди шу тарзда ўйнашга ҳаракат қилдик. Афсуски, қизил карточка ўйиннинг боришига жиддий таъсир кўрсатди. Айниқса, шундан кейин дарҳол тўп ўтказиб юборганимизни ҳисобга олсак», — дея мерсисайдликлар сардорининг сўзларини келтиради Sky Sports.
