Симеоне: «Ҳозир мавсумнинг аввалги қисмига қараганда кўпроқ гол урмоқдамиз»
Испаниянинг «Атлетико» Мадрид клуби бош мураббийи Диего Симеоне Чемпионлар лигаси умумий босқичининг 2-турида Англиянинг «Манчестер Юнайтед» жамоаси устидан қозонилган 2:0 ҳисобидаги ғалаба ҳақида фикр билдирди.
«Биз учрашувни жуда яхши бошладик. Биринчи голга олиб келган комбинация ажойиб бўлди. Кейинчалик ҳар икки жамоада ҳам гол уриш учун имкониятлар бўлди. Бироқ, умуман олганда, биз кўпроқ вазиятлар яратдик ва тўпни яхшироқ назорат қилдик, деб ўйлайман.
Менимча, ҳозир мавсумнинг аввалги қисмига қараганда кўпроқ гол урмоқдамиз. Бундай вазиятда ўйинларни ўз фойдангга ҳал қилиш анча осонроқ бўлади. Аммо ҳимоядаги ҳаракатларимиз устида ҳали кўп ишлашимиз керак. Рақибларга дарвозамиз олдида хавфли вазиятлар яратиш учун камроқ имконият беришимиз лозим», — дея Симеоненинг сўзларини УЕФА расмий сайти келтирмоқда.
