«Манчестер Юнайтед» «Атлетико»га қарши ўйинда икки муҳим футболчисидан фойдалана олмайди
«Манчестер Юнайтед» бош мураббийи Майкл Каррик УЕФА Чемпионлар лигаси доирасида Мадриднинг «Атлетико» клубига қарши ўтказиладиган учрашув олдидан жамоадаги кадрлар билан боғлиқ вазият ҳақида маълумот берди.
Англиялик мутахассис Кобби Майну ва Люк Шоу жароҳат сабаб навбатдаги баҳсда иштирок этмаслигини тасдиқлади.
Ҳар икки футболчи ҳам ўтган дам олиш кунлари ўтказилган учрашувда жароҳат олган ва шу сабабли жамоа билан сафарга чиқмаган.
«Улар биз билан сафарга келишмади. Иккаласи ҳам ўтган дам олиш кунидаги ўйинда жароҳат олди. Шунинг учун бу учрашувда иштирок этишмайди», — деди Каррик.
Шу билан бирга, нидерландиялик ҳимоячи Маттейс де Лигт жамоа билан Мадридга йўл олган.
Каррик футболчининг майдонга тушишга тайёр эканини таъкидлади, бироқ унинг қанча вақт ўйнаши масаласи ҳали очиқлигини билдирди.
«Унинг майдонга тушишидан мутлақо хавотирда эмасман. Асосий масала — қачон майдонга тушиши ва қанча вақт ўйнаши.
У «Лозанна»га қарши учрашувда ҳам иштирок этган эди», — деди мураббий.
Шу тариқа, «Манчестер Юнайтед» «Атлетико»га қарши баҳсда Майну ва Шоунинг хизматидан фойдалана олмайди. Де Лигт эса мураббийлар штаби қарорига кўра майдонга тушиши мумкин.
