Шон Дайч: «Бир ҳафта ичида икки марта бизга қарши нотўғри қарорлар қабул қилинди»
«Ноттингем Форест» бош мураббийи Шон Дайч Англия Премьер-лигасининг 10-туридан ўрин олган «Манчестер Юнайтед» билан 2:2 ҳисобидаги ўйиндан сўнг ҳакамликни кескин танқид қилди. Учрашувни Даррен Ингланд бошқариб борганди.
Муттахассиснинг фикрича, баҳсдаги нотўғри тайинланган бурчак зарбаси жамоасини бир ҳафта ичида иккинчи марта муҳим очколардан маҳрум қилган.
«Ниманидир ўзгартириш керак. Бу албатта хатоли қарор эди. Бир ҳафта ичида икки марта бизга қарши нотўғри қарорлар қабул қилинди. Ҳакамлар аслида бурчак бўлмаган ҳолатларда бурчак зарбасини белгилашмоқда — бу жуда оғир. Биз лигада омон қолиш учун курашяпмиз ва бундай вазиятлар бизга қарши ишламаслиги керак. Агар VAR шундай эпизодларни ҳам кўриб чиқиш имкониятига эга бўлса, ўйин анча адолатли бўларди», — деди Дайч.
Маълумот учун, «Ноттингем Форест» АПЛнинг 10-туридан сўнг 6 очко тўплаган ҳолда 18-ўринда бормоқда. «МЮ» эса 17 очко билан 7-ўринни банд этган.
