Shon Daych: «Bir hafta ichida ikki marta bizga qarshi notoʻgʻri qarorlar qabul qilindi»
«Nottingem Forest» bosh murabbiyi Shon Daych Angliya Premyer-ligasining 10-turidan oʻrin olgan «Manchester Yunayted» bilan 2:2 hisobidagi oʻyindan soʻng hakamliknj keskin tanqid qildi. Uchrashuvni Darren Ingland boshqarib borgandi.
Mutaxassisning fikricha, bahsdagi notoʻgʻri tayinlangan burchak zarbasi jamoasini bir hafta ichida ikkinchi marta muhim ochkolardan mahrum qilgan.
«Nimanidir o‘zgartirish kerak. Bu albatta xato qaror edi. Bir hafta ichida ikki marta bizga qarshi notoʻgʻri qarorlar qabul qilindi. Hakamlar aslida burchak boʻlmagan holatlarda burchak zarbasini belgilashmoqda — bu juda ogʻir. Biz ligada omon qolish uchun kurashyapmiz va bunday vaziyatlar bizga qarshi ishlamasligi kerak. Agar VAR shunday epizodlarni ham koʻrib chiqish imkoniyatiga ega boʻlsa, oʻyin ancha adolatli boʻlardi», — dedi Daych.
Maʼlumot uchun, «Nottingem Forest» APLning 10-turidan soʻng 6 ochko toʻplagan holda 18-o‘rinda bormoqda. «MYU» esa 17 ochko bilan 7-o‘rinni band etgan.
