Шомуродов яқин вақт ичида Туркия клуби билан шартнома имзолайди
ФОТО: Getty Images
Ўзбекистон миллий терма жамоаси ва Римнинг “Рома” клуби ҳужумчиси Элдор Шомуродов Истанбулнинг “Башакшеҳир” клуби билан шартнома имзолаш учун Туркияга етиб борди. Бу ҳақда журналист Якуб Чинор хабар бермоқда.
Манбага кўра, Шомуродов айни пайтда Истанбулда бўлиб турибди. У клуб билан ҳар томонлама келишувга эришган, яқин кунларда расмий шартнома имзоланиши кутилмоқда.
Маълумот учун, Шомуродов ўтган мавсум “Рома” сафида жами 37 та ўйинда майдонга тушиб, 7 та гол урди ва 5 та голли узатмани амалга оширди. Унинг “бўрилар” билан тузган амалдаги шартномаси 2026-йилда якунга етади.
Насрулло Каримов
Журналист
