Шесни \"Барселона\"да қолади
У шартномасини икки йилга узайтиради
Фото: Getty Images
Польшалик дарвозабон Войцех Шесни “Барселона” билан шартномасини узайтиради. Бу ҳақда инсайдер Фабрицио Романо хабар берди.
Манбага кўра, у клуб билан икки йиллик шартнома имзолайди. Клуб дарвозабон билан битимни узайтириш масаласида фақат расмиятчилик ишлари қолган.
"Барселона" октябрь ойида Марк-Андре тер Штегеннинг оғир жароҳатидан кўп ўтмай, Войцех Шесни билан шошилинч равишда шартнома имзолади. Шесни ўшандан бери "кўк-анорранглилар" сафида 30 та расмий ўйинда майдонга тушиб, 36 та гол ўтказиб юборган.
Розикжон Султонмуродов
Журналист
