Россияда Файзуллаев ҳақида ёлғон хабар тарқатилди
Мухлислар ва мутахассислар фейк маълумот орқали ўзбек футболчисини обрўсизлантиришга уриниш бўлганини айтмоқда
Расм: Gazeta.uz
Аввалроқ ўзбек футболчиси Аббосбек Файзуллаевнинг Туркиянинг «Истанбул Башакшехир» клубига трансфери ҳақида хабар берилган эди. У жамоа билан шартнома имзолашга яқин турибди.
Мазкур келишувдан Москва ЦСКА клуби 7,5 миллион евро даромад олиши мумкин. Бонусларни инобатга олган ҳолда, трансфер қиймати 10 миллион еврогача етиши мумкин.
Бироқ 23 июл куни Россия оммавий ахборот воситаларида Файзуллаевнинг янги клубидаги тиббий кўрикдан ўта олмагани ва трансфер бекор қилиниши мумкинлиги ҳақида фейк хабарлар тарқалди. Кўп ўтмай бу маълумот рад этилди.
Қатор футбол мутахассисларининг фикрича, россиялик журналистлар атайлаб футболчининг номига доғ туширишга уринган. Улар буни “қилган ишлари пасткашлик” деб баҳоламоқда.
Бакрадзе Иман
Редактор