Rossiyada Fayzullaev haqida yolg'on xabar tarqatildi
Muxlislar va mutaxassislar feyk ma'lumot orqali o'zbek futbolchisini obro'sizlantirishga urinish bo'lganini aytmoqda
Rasm: Gazeta.uz
Avvalroq o'zbek futbolchisi Abbosbek Fayzullaevning Turkiyaning "Istanbul Basaksehir" klubiga transferi haqida xabar berilgan edi. U jamoa bilan shartnoma imzolashga yaqin turibdi.
Mazkur kelishuvdan Moskva CSKA klubi 7,5 million yevro daromad olishi mumkin. Bonuslarni inobatga olgan holda, transfer qiymati 10 million yevrogacha yetishi mumkin.
Biroq 23 iyul kuni Rossiya ommaviy axborot vositalarida Fayzullaevning yangi klubidagi tibbiy ko'rikdan uta olmagani va transfer bekor qilinishi mumkinligi haqida feyk xabarlar tarqaldi. Ko'p o'tmay bu ma'lumot rad etildi.
Qator futbol mutaxassislarining fikricha, rossiyalik jurnalistlar ataylab futbolchining nomiga dog' tushirishga uringan. Ular buni “qilgan ishlari pastkashlik” deb baholamoqda.
Bakradze Iman
Redaktor