Роналду келажаги борасида бир қарорга келди
Фото: Getty Images
“Ан-Наср” ҳужумчиси Криштиану Роналду ўзининг келажак режаси борасида аниқ қарорга келди. Бу ҳақда Николо Скира хабар берди.
Португалиялик футболчи бутсаларини михга илиш ниятида эмас. У яна камида икки мавсум профессионал футбол ўйнашни истамоқда.
Роналду кейинги ҳафталарда ўзининг кейинги клуби ҳақида қарор қабул қилади. Унда бир нечта жамоалардан таклифлар бор. Аммо ҳали якуний қарорни амалга оширгани йўқ.
40 ёшли ҳужумчининг “Ан-Наср” билан амалдаги шартномаси 30 июнь куни якунланади. У 2023 йилдан буён ушбу клуб таркибида ўйнаб келади.
Трансфермаркт портали Роналдуни 12 млн еврога баҳоламоқда.
Розикжон Султонмуродов
Журналист