Роналдиньо: “Месси ва мен аллақачон тарих яратдик, энди навбат Ямалга”
Футбол
Насрулло Каримов
Журналист
ФОТО: Getty Images
Каталониянинг “Барселона” клуби собиқ футболчиси Роналдиньо жамоанинг 17 ёшли вингери Ламин Ямал ҳақида гапирди.
“Месси ва мен аллақачон тарих яратдик, энди буни қилиш навбати Ламин Ямалга келди. Унинг ёшлигида кўрсатаётган ўйинига қойил қолмай илож йўқ. У ниҳоятда иқтидорли йигит.
Менга шундай ўйинчиларни томоша қилиш завқ бағишлайди. Улар футболни юқори даражага олиб чиқади. Умид қиламанки, у Лео ва мен каби карьера қура олади”, - дейди Роналдиньо.
Маълумот учун, Ямал жорий мавсум барча турнирларда 54 та ўйинда майдонга тушиб, 18 та гол урди ва 25 та голли узатмани амалга оширди. Унинг Transfermarkt’даги нархи 180 миллион евроға баҳоланмоқда.
