Ronaldinyo: “Messi va men allaqachon tarix yaratdik, endi navbat Yamalga”
FOTO: Getty Images
Kataloniyaning “Barselona” klubi sobiq futbolchisi Ronaldinyo jamoaning 17 yoshli vingeri Lamin Yamal haqida gapirdi.
“Messi va men allaqachon tarix yaratdik, endi buni qilish navbati Lamin Yamalga keldi. Uning yoshligida ko'rsatayotgan o'yiniga qoyil qolmay iloj yo'q. U nihoyatda iqtidorli yigit.
Menga shunday o'yinchilarni tomosha qilish zavq bag'ishlaydi. Ular futbolni yuqori darajaga olib chiqadi. Umid qilamanki, u Leo va men kabi karyera qura oladi”, - deydi Ronaldinyo.
Ma'lumot uchun, Yamal joriy mavsum barcha turnirlarda 54 ta o'yinda maydonga tushib, 18 ta gol urdi va 25 ta golli uzatmani amalga oshirdi. Uning Transfermarkt'dagi narxi 180 million yevroga baholanmoqda.
Nasrullo Karimov
Jurnalist
