Римни ларзага келтирган Шомуродов “Ювентус”га қарши ўйиндан сўнг нималар деди?
Италия А Сериясининг 31-туридан ўрин олган баҳсда “Рома” ўз майдонида “Ювентус”ни қабул қилди ва Элдор Шомуродовнинг голи эвазига мағлубиятдан қутулиб қолди - 1:1.
Учрашувдан сўнг Шомуродов DAZN нашрига интервью берди ва ўйин борасида ўз фикрларини билдириб ўтди.
“Захирадан тушишимдан олдин Раньери мендан Довбикка ёрдам беришимни сўради. Иккинчи бўлим яхши бошланди, афсуски, ғалаба қозона олмадик.
Яна бир гол уришим мумкин эди, лекин “Ювентус”га қарши бир очко ҳам ёмон натижа эмас. Гол урганимдан хурсандман. Агар иккита гол урганимда, янада яхши бўларди.
Энди Рим дербисига жиддий тайёргарлик кўришимиз керак. Шу пайтгача нима қилган бўлсак, худди шундай давом этамиз. Энг муҳими, мухлисларни хурсанд қилиб, керакли натижага эришишни хоҳлаймиз”, - дейди Шомуродов.
Маълумот учун, “Рома” А Сериянинг 31-туридан сўнг 53 очко жамғарган ҳолда турнир жадвалида 7-ўринда бормоқда. “Ювентус” эса 56 очко билан 5-ўринни эгаллаб турибди.
