“Реал” ёзнинг энг шов-шувли трансферини амалга ошириши мумкин

Футбол 29 май 2025 да 08:14

Насрулло Каримов

Журналист

Мадриднинг “Реал” клуби Леверкузеннинг “Байер” клуби ярим ҳимоячиси Флориан Виртсга қизиқишда давом этмоқда ва у билан шартнома имзолашга умид қилмоқда. Бу ҳақда AS нашри хабар берди.

Манбага кўра, мадридликлар футболчи учун курашда ҳозирда “Ливерпуль” фаворит эканлигини билади, бироқ клуб ўз ишончини йўқотмаяпти.

“Реал” Хаби Алонсо бош мураббий этиб тайинланиши Виртс билан музокараларда ҳал қилувчи роль ўйнашига умид қилмоқда.

Маълумот учун, Виртс жорий мавсум барча турнирларда 45 та ўйинда майдонга тушиб, 16 та гол урди ва 15 та голли узатмани амалга оширди. Унинг Transfermarkt'даги нархи 140 миллион евро деб баҳоланмоқда.