«Реал» Трент Александр-Арнолднинг тақдимотини ўтказди
ФОТО: Getty Images
Бугун, 12 июн куни «Реал Мадрид Сити»да Трент Александр-Арнолднинг тақдимот маросими бўлиб ўтди.
«Трент Александр-Арнолд аллақачон «Реал Мадрид» футболчиси. Президент Флорентино Перес уни мажлислар залида кутиб олди. У ерда инглиз футболчиси кейинги олти мавсум учун шартнома имзолади.
Шартнома имзоланганидан сўнг, Александр-Арнолд стадионнинг нусхаси, соат ва ўз номи туширилган футболкани олди», — дейилади клуб баёнотида.
Эслатиб ўтамиз, Трентнинг сўнгги клуби «Ливерпул» эди. У ўтган мавсум мерсисайдликлар сафида 44 та ўйинда майдонга тушиб, 4 та гол урди ва 8 та голли узатмани амалга оширди.
Насрулло Каримов
Журналист
